Директорот на Државниот завод за статистика, г. Дејан Станков, денеска во просториите на ДЗС оствари средба со директорот на Царинската управа, г. Бобан Николовски, на која се дискутираше за јакнење и продлабочување на меѓуинституционалната соработка и интензивирање на активностите за електронска размена на податоците.
Примарна цел на Државниот завод за статистика е дигитализација на процесите и зголемено користење на административните извори при продукција на официјалните статистички податоци. Во насока на понатамошно хармонизирање, модернизирање и унапредување на системите, двете страни се заложија за промена на начинот на преземање на податоците од Системот за обработка на царински декларации и акцизни документи и воведување електронска размена на податоци, што претставува исклучително важен чекор.
Со цел интензивирање на соработката и објавување квалитетни, навремени и релевантни статистички податоци, директорот на Државниот завод за статистика, г. Станков и директорот на Царинската управа, г. Николовски се согласија во наредниот период да биде потпишан Меморандум за соработка меѓу двете институции.
Сите активности