+A   |  -A
Skip Navigation LinksНасловна Активности

Активности 


Конференција на тема „Обликување на демографската иднина на Европа“ Напредокот на општествата во време на брзи демографски промени
вторник, 30 ноември 2021

 

Многу земји во Европа и Централна Азија се соочуваат со брзи демографски промени: општествата стареат, луѓето имаат помалку деца, а многумина ги напуштаат своите држави барајќи можности во други земји.

Скопје, 30 ноември 2021 - Министерска конференција на тема „Обликување на демографската иднина на Европа“, каде ќе присуствуваат бројни високи владини претставници, лидери, експерти од Европа и Централна Азија, меѓу кои и делегација на Република Северна Македонија, ќе се одржи на 1 и 2 декември 2021, во Софија, Република Бугарија.

Конференцијата, каде ќе се дискутира за демографската отпорност и јакнење на капацитетите на земјите да одговорат на демографските промени во регионот, ја организираат Фондот за население на Обединетите нации – УНФПА и Владата на Република Бугарија, под покровителство на Претседателот на Република Бугарија.

Главни теми на конференцијата се: стареење на населението, фертилитет, родова еднаквост, планирање на семејството, аспирации на младите, ревитализација на руралните области, финансирање на социјалните политики и поврзаноста меѓу демографијата и демократијата.

Делегацијата од Република Северна Македонија ја сочинуваат министерката за труд и социјална политика Јагода Шахпаска, директорот на Државниот завод за статистика Апостол Симовски, и други претставници од различни области, како и од националната канцеларија на УНФПА.

Конференцијата ќе резултира со иницирање на Декадата за демографска отпорност 2022-2032 и Софиската алијанса, заедница предводена од земја-членка која вклучува практики за олеснување на споделувањето искуства и обезбедувањето совети за посреднички/медијаторски политики, како и техничка помош за јакнење на демографската отпорност.

Учесниците ќе можат да се информираат и да се вклучат во добри практики и ветувачки иницијативи поврзани со справување со демографските промени со учество на виртуелниот Експо за демографска отпорност.

Повеќе информации за настанот:

https://eeca.unfpa.org/en/shaping-europes-demographic-future

https://eeca.unfpa.org/en/news/ministerial-conference-chart-pathways-societies-thrive-amid-rapid-demographic-change

Регистрирајте се на https://demressofia21.vfairs.com/en/registration-form за да ни се придружите во нашиот виртуелен конференциски простор.

 




© Државен завод за статистика