Вчера, во просториите на Државниот завод за статистика се одржа конститутивната седница на новиот состав на Советот за статистика.
Собранието на Република Северна Македонија ги именуваше претседателот и 13-те членови на Советот кои во текот на својот мандат од 4 години ќе даваат мислења во врска со Петгодишната програма за статистички истражувања, Годишниот извештај на Државниот завод за статистика, како и во однос на други прописи од областа на официјалната статистика. Советот, исто така, ќе дава мислење и предлози за модернизација и рационализација на државната статистика и за унапредување на меѓународната соработка во областа на статистиката.
Претседател на Советот е проф. д-р Благоја Марковски, а директорот на Државниот завод за статистика, г. Апостол Симовски, е член на Советот по функција.
Сите активности