Skip Navigation Links

Aktivitetet  


Takimi i parë i Komitetit Drejtues të twining-projektit "Përmirësimi i cilësisë dhe përfshirja e statistikave të mjedisit jetësor dhe shëndetësor"
07.02.2025

 

6 shkurt 2025

Takimi i parë i Komitetit Drejtues të projektit twining “Përmirësimi i cilësisë dhe përfshirja e statistikave të mjedisit jetësor dhe shëndetësor” u mbajt në Entin Shtetëror të Statistikave (ESHS) të Republikës së Maqedonisë së Veriut më 5 shkurt 2025.

Projekti është i financuar nga Bashkimi Evropian (BE) dhe zbatohet bashkërisht nga ESHS dhe Instituti Kombëtar Italian i Statistikave (Istat), në partneritet me Konsorciumin për sistemet e informacionit (Consorzio per il Sistema Informativo – CSI Piemonte), Agjencinë e shërbimeve energjetike (Gestore Servizi Energetici – GSE) dhe Shoqata gjeografike italiane (Società Geografica Italiana – SGI).

Projekti, objektivi specifik i të cilit është forcimi i kapaciteteve për prodhimin dhe shpërndarjen e statistikave të mjedisit jetësor dhe shëndetësor, është i strukturuar rreth dy shtyllave (komponentëve) kryesore: Statistikat e mjedisit jetësor dhe bujqësor (Komponenti 1) dhe Statistikat shëndetësore (Komponenti 2). Projekti filloi më 23 shtator 2024 dhe do të zgjasë 24 muaj.

Takimi i Komitetit Drejtues u mbajt në format të kombinuar dhe morën pjesë drejtuesit e projektit dhe drejtuesit e komponentëve të ESHS dhe Istat, twining-këshilltari i përhershëm (RTA) dhe twining-këshilltari për partneritet (RTA counterpart), si dhe përfaqësues nga Delegacioni Evropian dhe të gjitha organizatat partnere.

Takimi ishte arsyeja për prezantimin e Raportit të parë tremujor, i cili përmbledh aktivitetet e realizuara gjatë tremujorit të parë të projektit. Gjithashtu, u miratua Plani i parë i punës, i përgatitur bashkërisht nga të gjithë palët e twining-projektit dhe bazuar në gjetjet nga vlerësimi paraprak.

Gjatë takimit, partnerët shprehën kënaqësinë e tyre reciproke për fillimin e projektit të ri, i cili bashkon ekspertizën, përvojën dhe aftësitë e nivelit të lartë për të arritur objektivat e projektit në mënyrë të qëndrueshme.

 

    



© Enti shtetëror për statistikë