Во 2022 година, најголемиот дел од претпријатијата со над 20 вработени што биле ангажирани во набљудуваните
деловни услуги1) оствариле над 90 % од прометот со обезбедување специјализирани услуги за кои се регистрирани.
Во 2022 година, 31.1 % од прометот со деловни услуги е реализиран од домашните купувачи, 37.0 % од купувачи во
земјите на ЕУ, а 31.9 % во останатите земји. Компјутерските услуги и натаму имаат најголемо учество во вкупниот
промет од деловни услуги, односно 76.1 %.
Деловните субјекти ангажирани во компјутерските услуги остваруваат најголем дел од прометот од странски клиенти,
односно 79.5 %, и тоа, главно, од земјите на ЕУ (39.8 %). Според видот на услугата, прометот е реализиран, главно,
од прoдажба на специјализирани услуги за компјутерско програмирање со 62.7 %, обработка на податоци со 12.9 %,
компјутерски консултантски услуги со 5.8 %, а 1.9 % од продажба на компјутери, компјутерска периферна опрема и
софтвер.
Во областа на рекламирањето, најголем дел од прометот, односно 58.1 % се реализира со продажба на услуги од
рекламните агенции, и тоа 25.9 % од продажба на огласен простор или време со надомест или врз база на договор,
17 % од директен маркетинг, 11.9 % од комплетна изработка на реклами и 3.4 % од развој на концепт за реклама. Од
услугите за огласување преку медиуми се остварени 30.9 % од прометот, најмногу од продажба на простор или време
со надомест или врз база на договор, и тоа 17.9 % на ТВ или радио, а 7.8 % преку интернет.
43.5 % од прометот на деловните субјекти специјализирани за давање правни услуги е реализиран со давање правни
совети и застапување во судски спорови од деловното и трговското право, 31 % од граѓанското, додека 10.4 % од
областа на работното право.
Во делот на сметководствените услуги, 27.5 % од вкупниот промет се реализирани од финансиска ревизија,
22.7 % од сметководствени услуги (18 % од подготовка на годишни финансиски извештаи), 11 % од услуги во врска со
даноците, додека 38.8 % од прометот се реализирани од продажба на останати услуги.
Прометот на деловните субјекти што обезбедуваат консултантски услуги, главно, е реализиран од услуги во врска
со управување на работењето, односно 35.4 %, од кои 21.5 % за управување со човечкиот потенцијал, а 9.5 % од
управување со деловните процеси, од услуги за односи со јавноста 12.1 %, а 32.9 % се реализирани од услуги за
управување со проекти.
Агенциите за вработување реализирале најголем промет од 59.4 % со посредување за привремени вработувања,
најмногу за обезбедување помошен канцелариски кадар (23.8 %), транспортни, магацински, логистички или
индустриски работници (15.8 %), комерцијален и трговски кадар (7.5 %) и компјутерски и телекомуникациски кадар
(6.1 %). Од останатите најголемо е учеството на услугите за посредување при вработување на неопределено време,
односно 38 %, од кои 6.2 % се за избор на раководен кадар.
