Според податоците на Државниот завод за статистика, индексот на трошоците на животот, мерен
преку цените на стоките и на услугите за лична потрошувачка, во јули 2012 г., во однос на јуни 2012 г.,
изнесува 99.1, а во однос на јули 2011 г. изнесува 102.3.
Анализирано по главни групи, според намената на потрошувачката, во јули 2012 г., во однос на јуни
2012 г., намалување на индексите е забележано во групите: Транспорт за 2.5%, Храна и безалкохолни
пијалаци за 1,8%, Домување, вода, електрика, гас и др. горива за 0.2% и Алкохолни пијалаци, тутун за
0,1%.
Пораст на индексот на трошоците на животот е забележан во групите: Здравје за 0.6%, Рекреација и
култура за 0.2%, Мебел, покуќнина и одржување на покуќнина и Останати стоки и услуги за 0,1%.
На ниво од претходниот месец останаа индексите на групите: Облека и обувки, Комуникации,
Образование и Ресторани и хотели.