Според податоците на Државниот завод за статистика, индексот на трошоците на животот, мерен преку цените на стоките и на услугите за лична потрошувачка, во март 2012, во однос на февруари 2012, изнесува 100.4, а во однос на март 2011 изнесува 101.4.
Анализирано по главни групи, според намената на потрошувачката, во март 2012, во однос на февруари 2012, пораст на индексите е забележан во групите: Транспорт за 2.9%, Мебел, покуќнина и одржување на покуќнина за 0.4%, Храна и безалкохолни пијалаци, Домување, вода, електрика, гас и др. горива и Останати стоки и услуги за 0.3%, Облека и обувки и Рекреација и култура за 0.2%, Алкохолни пијалаци, тутун и Здравје за 0.1%.
Намалување на индексот на трошоците на животот е забележано во групата Комуникации за 0.3%.
На ниво од претходниот месец останаа индексите на групите Образование и Ресторани и хотели.