Според податоците на Државниот завод за статистика, индексот на трошоците на животот, мерен преку цените на стоките и на услугите за лична потрошувачка, во февруари 2012, во однос на јануари 2012, изнесува 100.5, а во однос на февруари 2011 изнесува 102.9.
Анализирано по главни групи, според намената на потрошувачката, во февруари 2012, во однос на јануари 2012, пораст на индексите е забележан во групите: Ресторани и хотели за 1.8%, Транспорт за 1.1%, Храна и безалкохолни пијалаци за 0.7%, Останати стоки и услуги за 0.6%, Мебел, покуќнина и одржување на покуќнина за 0.4%, Облека и обувки за 0.3%, Алкохолни пијалаци, тутун за 0.2%, Домување, вода, електрика, гас и др. горива, Здравје и Комуникации за 0.1%.
Намалување на индексот на трошоците на животот е забележано во групата Рекреација и култура за 1.6%.
На ниво од претходниот месец остана индексот на групата Образование.