Според податоците на Државниот завод за статистика, индексот на трошоците на животот, мерен преку цените на стоките и на услугите за лична потрошувачка, во јануари 2012, во однос на декември 2011, изнесува 101.2, а во однос на јануари 2011 изнесува 103.4.
Анализирано по главни групи, според намената на потрошувачката, во јануари 2012, во однос на декември 2011, пораст на индексите е забележан во групите: Домување, вода, електрика, гас и др. горива за 5.4%, Транспорт за 1.3%, Храна и безалкохолни пијалаци за 0.9%, Рекреација и култура за 0.5%, Здравје и Останати стоки и услуги за 0.3%.
Намалување на индексите на трошоците на животот е забележанo во групите: Комуникации за 0.8%, Алкохолни пијалаци, тутун, Облека и обувки и Мебел, покуќнина и одржување на покуќнина за 0.1%.
На ниво од претходниот месец останаа индексите на групите: Образование и Ресторани и хотели.