Според податоците на Државниот завод за статистика, индексот на трошоците на животот, мерен преку цените на стоките и на услугите за лична потрошувачка, во ноември 2011, во однос на октомври 2011, изнесува 100.6, а во однос на ноември 2010 изнесува 103.5.
Анализирано по главни групи, според намената на потрошувачката, во ноември 2011, во однос на октомври 2011, пораст на индексите е забележан во групите: Храна и безалкохолни пијалаци за 1.4%, Облека и обувки за 1.2%, Домување, вода, електрика, гас и др. горива за 0.7%, Ресторани и хотели за 0.4%, Останати стоки и услуги за 0.2%, Алкохолни пијалаци, тутун и Мебел, покуќнина и одржување на покуќнина за 0.1%.
Намалување на индексите на трошоците на животот е забележано во групите: Рекреација и култура за 2.1%, Комуникации за 1.4%, Транспорт за 0.6% и Здравје за 0.1%.
На ниво од претходниот месец остана индексот на групата Образование.