Според податоците на Државниот завод за статистика, индексот на трошоците на животот, мерен преку цените на стоките и на услугите за лична потрошувачка, во октомври 2011, во однос на септември 2011, изнесува 100.3, а во однос на октомври 2010 изнесува 103.3.
Анализирано по главни групи, според намената на потрошувачката, во октомври 2011, во однос на септември 2011, пораст на индексите е забележан во групите: Облека и обувки за 1.1%, Образование за 0.9%, Храна и безалкохолни пијалаци и Транспорт за 0.5% и Ресторани и хотели за 0.3%.
Намалување на индексите на трошоците на животот е забележано во групите: Мебел, покуќнина и одржување на покуќнина и Комуникации за 0.3%, Рекреација и култура и Останати стоки и услуги за 0.2% и Домување, вода, електрика, гас и др. горива за 0.1%.
На ниво од претходниот месец останаа индексите на групите: Алкохолни пијалаци, тутун и Здравје.