+A   |  -A
Skip Navigation LinksНасловна Статистики по области Соопштенија по области
Веб-страницата www.stat.gov.mk користи колачиња кои се потребни за целосна функционалност на страницата. Со Вашето присуство на нашата веб-страница се подразбира дека се согласувате за користењето на овие колачиња. За повеќе детали прочитајте ја Политиката за колачиња.


              


Соопштението е од областа: Цени


Трошоци на животот според класификацијата COICOP и цени на мало, мај 2017 година

среда, 07 јуни 2017


Според податоците на Државниот завод за статистика, индексот на трошоците на животот во мај 2017 година,
во однос на претходниот месец, изнесува 100.7, а индексот на цените на мало 100.6.


Пораст на индексите на трошоците на животот во мај 2017 година, во споредба со претходниот месец, е
забележан кај свежото и разладеното овошје за 13.2%, свежиот и разладен зеленчук освен компирот за 12.6%,
сувото овошје и јаткастите производи за 2.5%, рибата и морските плодови за 1.3%, цигарите за 1.2%, месото за
1.1%, другите прехранбени производи за 0.6%, сушеното, соленото и чаденото месо и замрзнатото овошје за
0.5%, сушениот зеленчук, другиот конзервиран и преработен зеленчук и алкохолните пијалаци за 0.3%.


Во мај, исто така, пораст на индексите на трошоците на животот е забележан и кај авионскиот превоз на патници
за 8.7%, болничките услуги за 1.2%, патниот сообраќај за 0.9%, накитот и часовниците за 0.8%, услугите за
одржување и поправки на станот, услугите за рекреација и култура за 0.3%.


Намалувањето на индексите на трошоците на животот во мај 2017 година, во споредба со претходниот месец,
е забележано кај јогуртот за 1.2%, јајцата за 1.1%, млекото за 0.8%, изнутриците, другите преработки од месо,
шеќерот, џемот, медот, чоколадата и кондиторските производи за 0.7%, маслото и маснотиите за 0.3%, сирењата
и урдата за 0.2%.


Исто така, во мај, намалување на индексите на трошоците на животот е забележано и кај гасот за домаќинствата
за 4.9%, градините, растенијата и цвеќињата за 2.0%, течните горива за домаќинствата за 1.8%, средствата за
чистење и одржување на станот, течните горива и мазива како дел од опремата за сопствени сообраќајни
средства за 1.1%, малите електрични апарати за 0.5%, пакет-туристичките аранжмани, услугите за сместување
и предметите за лична хигиена и здравје за 0.2%.


Индексот на трошоците на животот во мај 2017 година, во споредба со мај 2016 година, бележи пораст од 1.2%,
а индексот на цените на мало бележи пораст за 2.7%.






  Преземи го соопштението во целост

  Преземи табели
Податоците во објавеното соопштение се бесплатни. При користење, ве молиме наведете го изворот.

За подетални информации јавете на:

контакт тел: +389 2 3295 666

е-пошта:  [email protected] 
  



  Соопштенија
 
 
  Последно соопштение
  Сите соопштенија


 Метаподатоци


   МАКСтат База


© Државен завод за статистика