Според податоците на Државниот завод за статистика, индексот на трошоците на животот во мај 2016 година,
во однос на претходниот месец, изнесува 100.5, а индексот на цените на мало 100.3.
Порастот на индексот на трошоците на животот од 0.5% во мај 2016 година, во споредба со претходниот месец,
е резултат на повисоките индекси на компирот за 14.7%, свежото и разладеното овошје за 9.1%, свежиот и
разладениот зеленчук, освен компирот, за 6.6%, другите пекарски производи за 1.4%, конзервираното овошје за
0.6%, брашното и другите житарици и алкохолните пијалаци за 0.5%, замрзнатото овошје, другите прехранбени
производи за 0.3% и безалкохолните пијалаци за 0.2%.
Во мај, исто така, пораст на индексите на трошоците на животот е забележан и кај болничките услуги за 14.6%,
мотоциклите за 6.9%, течните горива за домаќинствата за 5.7%, авионскиот превоз на патници за 2.2%, течните
горива и мазива за домаќинствата за 1.8%, обувките за 1.7%, теписите и другите покривки за под за 0.9%,
мебелот за домаќинствата за 0.6%, информатичката опрема за 0.5%, облеката, материјалите за одржување
и поправките на станот за 0.3%, услугите за одржување и поправки на станот и поправките на електричните
апарати за 0.2%.
Исто така, намалување на индексите на трошоците на животот е забележано и кај услугите за сместување за 6.9%,
гасот за домаќинствата за 4.9%, туристичките пакет-аранжмани за 4.7%, средствата за чистење и одржување
на станот за 1.4%, малите електрични апарати за 0.7%, лековите за 0.6%, големите електрични апарати за 0.5%,
велосипедите за 0.4%, цврстите горива, алатите и опремата за куќи и градини за 0.3% и средствата за лична
хигиена и здравје за 0.2%.
Индексот на трошоците на животот во мај 2016 година, во споредба со мај 2015 година, бележи намалување
од 0.7%, а индексот на цените на мало бележи намалување од 1.0%.
Намалување на индексот на трошоците на животот во мај 2016 година, во споредба со претходниот месец, е
забележано кај јајцата за 1.2%, маслото и маснотиите за 0.5%, сувото овошје и јаткастите производи и сушениот
зеленчук за 0.4%, изнутриците за 0.3%, месото, јогуртот, сирењата и урдата за 0.2%.
