Според податоците на Државниот завод за статистика, индексот на трошоците на животот, мерен преку цените
на стоките и на услугите за лична потрошувачка, во јули 2013, во однос на јуни 2013, изнесува 98.9,а во однос
на јули 2012 изнесува 104.0.
Анализирано по главни групи, според намената на потрошувачката, во јули 2013, во однос на јуни 2013,
намалување на индексите е забележано во групите: Домување, вода, електрика, гас и др. горива за 2.5%, Храна
и безалкохолни пијалаци за 2.3% и Облека и обувки за 0.2%.
Пораст на индексите на трошоците на животот е забележан во групите: Алкохолни пијалаци, тутун за 2.4%,
Здравје за 0.6%, Останати стоки и услуги за 0.4%, Мебел, покуќнина и одржување на покуќнина и Транспорт за
0.3% и Ресторани и хотели за 0.2%.
На ниво од претходниот месец останаа индексите на групите: Комуникации, Рекреација и култура и
Образование.
