Според добиените податоци во Државниот завод за статистика, во периодот 2010/2011
година, во споредба со периодот 2009/2010 година, вкупниот број на прикажани претстави во професионалните театри е зголемен за 14.2%, а бројот на посетителите е зголемен за 52.8%.
Просечниот број на посетители на една претстава изнесува 322.
Во периодот 2010/2011 година, во однос на периодот 2009/2010 година, бројот на прикажаните претстави во професионалните театри за деца и млади е намален за 4.0%, а на посетителите е намален за 9.3%.
Бројот на прикажаните претстави во аматерските театри е зголемен за 25.7%, а вкупниот број на посетителите е зголемен за 73.8%.
Кај професионалниот ансамбл на народни игри и песни, во периодот 2010/2011,во споредба со 2009/2010, се забележува зголемување на бројот на самостојните приредби (концерти), а намалување на бројот на посетителите.