Според податоците на Државниот завод за статистика, индексот на прометот во индустријата во мај 2011 година, во однос на мај 2010, изнесува 129.3.
Индексот на прометот во индустријата остварен на домашниот пазар во мај 2011 година, во однос на мај 2010 година, бележи пораст од 20.5%, а индексот на прометот остварен на странските пазари бележи пораст од 36.0%.
Гледано по сектори, прометот во индустријата во секторот Рударство и вадење на камен во мај 2011 година, во однос на мај 2010 година, бележи пораст од 26.0%, а во секторот Преработувачка индустрија бележи пораст од 29.5%.
Според главните индустриски групи, прометот во мај 2011 година, во однос на мај 2010 година, бележи пораст кај Енергија за 32.0%, Интермедијарни производи, освен енергија за 22.8%, Капитални производи за 184.9%, Трајни производи за широка потрошувачка за 100.4% и Нетрајни производи за широка потрошувачка за 1.2%.
Индексот на прометот во индустријата во мај 2011 година, во однос на април 2011 година, изнесува 98.8, додека во периодот јануари-мај 2011, во однос на периодот јануари-мај 2010, индексот на прометот во индустријата изнесува 131.3.