Поддршка на Државниот завод за статистика за градење на капацитетите и унапредување на усогласеноста на статистиката со стандардите на ЕУ
Твининг-проектот „Поддршка на Државниот завод за статистика за градење на капацитетите и унапредување на усогласеноста на статистиката со стандардите на ЕУ (МК 12 ИПА ST 01 16)"
финансиран од Европската унија, започна на 17 октомври 2016 година и ќе трае 16 месеци.
Овој Проект е финансиран од страна на Европската Унија и е заеднички имплементиран од страна на земјата-корисник (ДЗС),
и партнерите од земјите-членки (ISTAT и SURS).
Целта на Твининг-проектот е да се зајакне капацитетот на Државниот завод за статистика, со цел за понатамошно подобрување на усогласеноста со
законодавството на ЕУ во три главни столба на националниот статистички систем: Национални сметки, Деловни статистики, Социјални статистики.
Општата цел за која треба да придонесе овој Проект е подобрување на процесот на донесување на одлуки од страна на владините институции, компаниите
и граѓаните во земјата, преку производство на сеопфатни и статистички споредливи податоци во согласност со ЕУ и меѓународните стандарди, со цел понатамошно
унапредување на демократијата и пазарно ориентираната економија.
Државниот завод за статистика (ДЗС), како земја-корисник, е професионална и независна организација во рамките на државната администрација. Заводот е главниот
актер и координатор на официјалната статистика во земјата.
Партнер на ДЗС е Италијанскиот национален институт за статистика (ISTAT) кој е надлежен орган за производство на официјални статистики во Италија и најголем
производител на економски и социјални податоци во земјата. Тоа е организација од јавен карактер која спроведува истражувања од јавен карактер и работи според
јавното право, целосно независно и во постојана интеракција со академската и научната заедница. Државниот завод за статистика на Република Словенија (SURS) е
главниот производител и координатор на националните статистички податоци во Словенија. Во согласност со Законот за национална статистика, SURS е професионална
независна владина служба.
Голем број на други заинтересирани страни, исто така, ќе бидат вклучени и ќе имаат придобивки од Проектот.
Со цел постигнување на целите на Проектот, треба да се исполнат следниве задолжителни резултати:
- Имплементирање на Европскиот систем на сметки 2010 (Компонента 1)
- Подобрување на бизнис-статистиките (Компонента 2)
- Подобрување на статистиката за истражување и развој, статистиката на пазарот на трудот и статистиката за приходи и услови за живеење (Компонента 3)
Како и сите твининг-проекти, Проектот ги приближува експертизите на земјите-членки на Европската Унија и експертизата на земјата-корисник со цел да се постигнат
конкретни задолжителни и оперативни резултати преку peer-to-peer активности. Во текот на Проектот ќе бидат спроведени голем број на активности групирани во трите
компоненти на Проектот, со голем број на експерти од националните статистички институции во Италија и Словенија кои ќе работат заедно со вработените во ДЗС.
Времетраењето на проектот, првично од 16 месеци, е продолжено од 4 месеци со цел да се постигнат задолжителните резултати на поефикасен и одржлив начин. 4 мисии
и 1 студиска посета ќе бидат спроведени во последниот месец од проектот. Вкупно 84 мисии и 4 студиски посети ќе бидат
спроведени до крајот на проектот (види Проектни активности).
Основни податоци
Наслов на Проектот:
„Поддршка на Државниот завод за статистика за градење на капацитетите и унапредување на усогласеноста на статистиката со стандардите на ЕУ“ (МК 12 IB ST 01)
Главен корисник: Државен завод за статистика (ДЗС)
Земји-членки, партнери во имплементацијата: ISTAT - Италијанскиот национален институт за статистика (MS водечки партнер);
Државниот завод за статистика на Република Словенија SURS - (MS помлад партнер)
Период на имплементација: 17 октомври 2016 - 16 јуни 2018 година; 20 месеци
Буџет: вкупниот буџет е 742.105 евра од кои 5% како национален јавен придонес.
Проектот е финансиран од 2012 година преку Националната програма IPA TAIB на Европската Унија.
За повеќе информации
Постојан твининг-советник
Донатела Зиндато
+389 (2) 3295 679
dzindato.ipa2012@stat.gov.mk
Асистент на постојаниот твининг-советник
Марија Јанакиевска
+389 (2) 3295 779
marijaj@stat.gov.mk
Европската унија е составена од 28 земји-членки кои одлучија постепено
да се поврзат заедносо нивното знаење, ресурси и судбини. Заедно, за време на периодот на проширување од 50 години, тие изградија зона на стабилност,
демократија и одржлив развој, проследено со одржување на културната разновидност, толеранцијата и индивидуалните слободи. Европската Унија е посветена
на споделување на своите достигнувања и вредности со земјите и народите надвор од нејзините граници. Европската комисија е извршното тело на ЕУ.
http://ec.europa.eu/index_en.htm