+A   |  -A
Skip Navigation LinksНасловна Статистики по области Соопштенија по области
Веб-страницата www.stat.gov.mk користи колачиња кои се потребни за целосна функционалност на страницата. Со Вашето присуство на нашата веб-страница се подразбира дека се согласувате за користењето на овие колачиња. За повеќе детали прочитајте ја Политиката за колачиња.


              


Соопштението е од областа: Цени


Индекси на трошоците на животот и на цените на мало, јули 2020 година

петок, 07 август 2020


Според податоците на Државниот завод за статистика, индексот на трошоците на животот во јули 2020 година, во однос на претходниот месец, изнесува 99.8, а индексот на цените на мало изнесува 100.9.

Намалување на индексите на трошоците на животот во јули 2020 година, во споредба со претходниот месец, е забележано кај свежиот и разладениот зеленчук освен компири и други коренести плодови за 21.3 %, свежото и разладеното овошје за 0.7 %, пивото за 0.4 %, жестоките пијалаци за 0.3 %, млекото, минералната вода, газираните пијалаци и соковите од овошје и зеленчук за 0.2 %.

Исто така, намалување на индексите на трошоците на животот е забележано и кај информатичката опрема за 2.3.%, резервните делови и приборот за сопствени превозни средства за 2.1 %, моторните возила за 1.4 %, опремата за прием, снимање и репродукција на звук и слики за 0.9 %, теписите и другите подни покривки за 0.6 %, облеката, големите електрични апарати за домаќинствата за 0.2 %.

Пораст на индексите на трошоците на животот во јули 2020 година, во споредба со претходниот месец, е забележан кај цигарите за 0.6 %, лебот и житата, сувото овошје и јаткастите производи за 0.4 %, прехранбените производи неспоменати на друго место за 0.3 % , маслото и маснотиите, виното за 0.2 %.

Во јули, исто така, пораст на индексите на трошоците на животот е забележан и кај течните горива за домаќинствата за 35.5 %, горивата и мазивата за сопствените превозни средства за 4.6 %, гасот за домаќинствата за 3.2 %, услугите за рекреација и спорт за 2.1 %, велосипедите за 1.6 %, книгите за 0.9 %, другите услуги за опрема за сопствен превоз, патен патнички транспорт за 0.8 %, другата облека и додатоците за облека, медиумите за снимање за 0.4 %, малите електрични апарати за домаќинствата за 0.3 %, мебелот и покуќнината, другите медицински производи за 0.2 %.


Индексот на трошоците на животот во јули 2020 година, во однос на јули 2019 година, бележи зголемување од 1.3 %, а индексот на цените на мало е на исто ниво како и минатата година.






  Преземи го соопштението во целост

  Преземи табели
Податоците во објавеното соопштение се бесплатни. При користење, ве молиме наведете го изворот.

За подетални информации јавете на:

контакт тел: + 389 2 3295 666

е-пошта:  [email protected] 
  



  Соопштенија
 
 
  Последно соопштение
  Сите соопштенија


 Метаподатоци


   МАКСтат База


© Државен завод за статистика