Според претходните податоци на Државниот завод за статистика, во трговијата на мало во септември 2024 година, во
споредба со септември 2023 година, гледано по групи и класи, и номинално и реално зголемување на прометот во
трговијата на мало има кај групите: Трговија на мало со непрехранбени продукти, освен гориво (номинално за 10.6
%, а реално за 7.2 %), Трговија на мало, освен трговија со горива (номинално за 4.8 %, а реално за 1.7 %), а во групата
Трговија на мало со автомобилски горива е зголемена само реалната стапка, и тоа за 6.9 %, додека номиналната
стапка опаѓа за 8.1 %.
Намалување на прометот е забележано во групата: Трговија на мало со храна, пијалаци и тутун (номинално за 0.5 %,
а реално за 3.3 %).
Од 2024 година, месечните индекси за прометот во трговијата се пресметуваат со нова базна година, 2021 = 100. Сите
индекси што се претходно објавени со базата 2015 = 100 се преработени со новата базна година и објавени во базата
MакСтат.