+A   |  -A
ппп: 1881 | ввв: 220061
Skip Navigation LinksНасловна Статистики по области Соопштенија по области
              

Соопштението е од областа: Деловни тенденции





Деловни тенденции во преработувачката индустрија, јануари 2018 година

четврток, 15 февруари 2018


Според оценката на раководителите на деловните субјекти, индикаторот на доверба во преработувачката
индустрија во јануари 2018 година е за 0.1 процентен поен понизок во однос на претходниот месец, а во однос
на јануари 2017 година е зголемен за 1.6 процентни поени.


Состојбата на обезбеденоста на производството со порачки во јануари 2018, во однос на декември 2017 година,
е поповолна, очекувањата за обемот на производството во наредните три месеци се поповолни во однос на
претходниот месец, а залихите на готовите производи сe зголемени во однос на декември 2017 година.


Оценката за економската состојба на деловните субјекти во јануари 2018 година е поповолна во однос на
претходниот месец, а поповолна и во однос на јануари 2017 година. Се очекува бројот на вработени да се
зголеми.


Просечното искористување на капацитетите на деловните субјекти во јануари 2018 година изнесува 66.5% од
нормалното искористување.


Најголемо влијание врз ограничувањето на обемот на прозводството имаат следните фактори: недостигот на
квалификувана работна сила со 20.6%, недоволната странска побарувачка со 19.8%, недоволната домашна
побарувачка со 19.5% и неизвесното економско опкружување со 11.0%.





  Преземи го соопштението во целост

  Преземи табели

Податоците во објавеното соопштение се бесплатни. При користење, ве молиме наведете го изворот.

За подетални информации јавете на:

контакт тел: +389 2 3295 666 

е-пошта: press@stat.gov.mk 

  




© Државен завод за статистика