+A   |  -A
Skip Navigation LinksНасловна Статистики по области Соопштенија по области
              


Соопштението е од областа: Цени


Индекси на трошоците на животот според COICOP и цени на мало, јануари 2019 година

четврток, 14 февруари 2019


Според податоците на Државниот завод за статистика, индексот на трошоците на животот во јануари 2019 година, во однос на претходниот месец, изнесува 99.9, а индексот на цените на мало 99.5.

Намалување на индексите на трошоците на животот во јануари 2019 година, во споредба со претходниот месец, е забележано кај безалкохолните пијалаци за 1.4 %, маслото и маснотиите за 0.7 %, другите прехранбени производи за 0.5 % и млекото за 0.2 %.

Исто така, намалување на индексите на трошоците на животот е забележано и кај велосипедите за 7.2 %, течните горива за домаќинствата за 6.2 %, гасот за домаќинствата за 5.5 %, обувките, течните горива и мазива како дел од опремата за сопствени сообраќајни средства, услугите за сместување за 4.4 %, авионскиот превоз на патници за 4.1.%, книгите за 3.0 %, дисковите, касетите, дискетите, цедеата, филмовите за 2.6 %, телефонската и телефакс-опремата за 2.5 %, одржувањето и поправката на сопствените сообраќајни средства за 2.0 %, информатичката опрема за 1.9 %, парамедицинските услуги за 1.4 %, другите медицински производи за 1.2 %, рестораните и хотелите за 0.8 %, патниот сообраќај за 0.7 %, стоматолошките услуги за 0.4 %, услугите за одржување и поправки на станот и другите лични предмети за 0.3 %.

Пораст на индексите на трошоците на животот во јануари 2019 година, во споредба со претходниот месец, е забележан кај свежиот и разладениот зеленчук освен компирот и другите коренести плодови за 7.0 %, свежото и разладеното овошје за 0.9 %, лебот и житата за 0.4 % и месото за 0.2 %.

Во јануари 2019 година, исто така, пораст на индексите на трошоците на животот е забележан и кај болничките услуги за 8.5 %, фотографската и кинематографската опрема и оптичките инструменти за 2.9 %, услугите за одржување на станот за 2.1 %, автомобилите за 1.7 %, поправката на аудиовизуелната, фотографската и информатичката опрема за 1.4 %, игрите, играчките и хобијата за 1.0 %, големите електрични апарати за домаќинствата и малите електрични апарати за домаќинствата за 0.7 %, теписите и другите покривки за под, железничкиот сообраќај за 0.6 %, услугите за рекреација и спорт, услугите за култура за 0.5 %, ткаенините, снабдувањето со вода, опремата за прием, снимање и репродукција на звук и слики за 0.4 %, материјалите за одржување и поправки на станот, мебелот и покуќнината, туристичките пакет-аранжмани за 0.3 %, терапевтските помагала, градините, растенијата и цвеќињата за 0.2 %.

Индексот на трошоците на животот во јануари 2019 година, во споредба со јануари 2018 година, бележи пораст од 1.2 %, а индексот на цените на мало бележи пораст од 0.7 %.






  Преземи го соопштението во целост

  Преземи табели

Податоците во објавеното соопштение се бесплатни. При користење, ве молиме наведете го изворот.

За подетални информации јавете на:

контакт тел: +389 2 3295 666

е-пошта:  press@stat.gov.mk 
  



  Соопштенија
 
 
  Последно соопштение
  Сите соопштенија


 Метаподатоци


   МАКСтат База


© Државен завод за статистика