Прибирањето на податоците во Пописот се реализира со непосредно попишување од страна на попишувачи и запишување на податоците во печатени обрасци за индивидуалните земјоделски стопанста и со доставување на пописните обрасци до деловните субјекти кои пополнети ги враќаат до Државниот завод за статистика, по пошта.

     Пописот се спроведува на целата територија на Република Македонија, а за потребите на Пописот територијата на државата е поделена на 41 пописен реон. Најмал територијален дел од земјата на кој се врши попишувањето е пописниот круг и секој попишувач ќе биде задолжен да го врши попишувањето во еден или повеќе пописни кругови.

     Работата на попишувачите во еден пописен реон ја организираат, надгледуваат и даваат стручни препораки државните инструктори, со поддршка на комисиите за пописниот реон во согласност со нивните надлежности. Организацијата и следењето на работата на комисиите за пописните реони ја врши Бирото за Попис при Државниот завод за статистика.

     За контрола на квалитетот и опфатот на податоците, по спроведувањето на Пописот, во 50 пописни кругови ќе се спроведе Постпописно истражување.

     Во подготовката, организацијата и спроведувањето на Пописот и Постпописното истражување учествуваат и:

      -Управниот комитет за развој на земјоделските статистики
      -Советот за статистика на Република Македонија
      -Комисиите за пописните реони
      -Државните инструктори
      -Инструкторите за пописните реони (во натамошниот текст: реонски        инструктори)
      -Попишувачите и
      -Други учесници во согласност со одредбите на овој Закон.