Попишувачот е должен да ги информира лицата кои се попишуваат дека имаат право на слободно избирање на попишување на службениот македонски јазик и на неговото кирилско писмо или на друг службен јазик и на неговото писмо што го зборуваат најмалку 20% од граѓаните на Република Македонија ; на службен македонски јазик и на неговото кирилско писмо и на јазикот и писмото кој исто така е службен, а го користат најмалку 20% од граѓаните на единиците на локалната самоуправа; како и на службен македонски јазик и на неговото кирилско писмо и на јазикот и писмото на заедницата на која припаѓаат лицата кои се попишуваат (албански, турски, влашки, српски, ромски и бошњачки).

     Попишувањето се спроведува на службен македонски јазик и на неговото кирилско писмо.

     Во случаите каде што по барање на лицето кое се попишува, попишувањето се спроведува на јазикот на припадниците на заедниците (албански, турски, влашки,српски, ромски и бошњачки јазик) се пополнува образец отпечатен на македонски јазик и на неговото кирилско писмо и на јазикот и писмото што го одбрало лицето.