Државниот завод за статистика, со цел да им овозможи полесен пристап на корисниците до статистичките податоци, воведува новина на својата веб-страница.
Имено, отсега, со едноставно пополнување на образец кој нема да Ви одземе многу време, ќе можете редовно, по електронски пат, да добивате известувања за објавувањето на изданијата на Заводот.
Исто така, отсега ќе можете и по електронски пат да доставувате барања за одреден вид на податоци кои Ви се потребни токму Вам, а по електронски пат, во најкус можен рок ќе бидете известени и за расположливоста на бараните податоци.
Се надеваме дека со оваа новина нашите податоци ќе бидат уште подостапни за голем број на корисници, а кругот на корисници ќе се зголеми уште повеќе.
|