Во периодот јануари-февруари 2012 година, во однос на истиот период од претходната година, бројот на туристите е зголемен за 3.7% и тоа: кај домашните туристи има намалување за 3.5%, а кај странските има зголемување за 10.0%.

Во 2011 година вкупниот број на деца во јавните установи за згрижување и воспитание на деца - детски градинки изнесува 25056, што претставува зголемување за 8.2% во однос на 2010 година

Индексот на цените на мало во март 2012 година, во споредба со март 2011 година, бележи пораст од 2.7%, а индексот на трошоците на животот бележи пораст од 1.4%.

Најголеми потрошувачи на електрична енергија во 2010 година се домаќинствата со 37.3%, индустриските сектори (енергетски сектор плус индустрија) со 25.3% и останатите сектори со 17.7% од бруто-домашната потрошувачка на електрична енергија

Во 2011 година сопствена веб-страница имале 58,9% од деловните субјекти, а кај 10,4% веб-страницата овозможувала онлајн нарачување.

Финалната потрошувачка на електрична енергија во домаќинствата во 2010 година (претходни податоци) изнесува 3233GWh што е за 21.9% повисоко во споредба со 2000 година.

Финалната енергетска потрошувачка на нафтени продукти во транспортот во 2010 година (претходни податоци) е за 31.6% повисока во споредба со 2005 година.

Финалната потрошена електрична енергија во домаќинствата по жител за 2010 година (претходни податоци) изнесува 1576.6kWh и e за 20,4% повисока во однос на 2000 година.

Учеството на електричната енергија од хидроцентралите во бруто-производството на електрична енергија во 2010 година (претходни податоци) изнесува 33.5%.

Предадената топлинска енергија во домаќинствата од јавните котлари во 2010 година (претходни податоци) е за 21.2% помала во однос на 2005 година.

Просечната возраст при склучувањето на прв брак во 2010 година за невестата изнесуваше 25 години, а за младоженецот 28 години.

Најчесто машко име во 2009 година беше Александар, а женско Марија.

Околу 62% од потрошувачката на едно просечно домаќинство во 2010 година беа наменети за основните потреби за храна, облека, домување и покуќнина.

Во 2010 година жените учествуваа со 39 % во вкупниот број на вработени.

Во 2010 година, 46% од домаќинствата имаа пристап на интернет од дома.

----------------